OPEC бош котиби Муҳаммад Баркиндо 64 ёшида вафот этди. Бу ҳақда 6 июль, чоршанба куни давлатга қарашли Нигерия миллий нефть компанияси (NNPC) директори Меле Кьяри маълум қилди.
«Биз ҳурматли Муҳаммад Сануси Баркиндони йўқотдик. У кеча, 2022 йил 5 июль, соат 23:00 атрофида вафот этди. Бу, албатта, унинг яқин оиласи, NNPC, мамлакатимиз Нигерия, OPEC ва глобал энергетика ҳамжамияти учун катта йўқотишдир», — деб ёзди Кьяри.
Баркиндо 2016 йилда OPEC’ни қабул қилиб олди ва энг йирик нефть экспортёрларини бирлаштирган ташкилот бош котиби сифатида кетма-кет икки муддат ишлади.
Унинг ваколат муддати 2022 йил июлида тугаши керак эди, Баркиндо ўрнига аввалроқ Қувайт вакили Ҳайсам ал-Ғайс сайланган эди.
Баркиндо OPEC раҳбари этиб сайланишидан олдин 1986 йилдан Нигерия делегацияси аъзоси бўлган, 1993-2008 йилларда Нигериянинг OPEC’даги вакили, 2006 йилда эса ташкилот бош котиби вазифасини бажарувчи бўлган.
Баркиндо NNPC’да ҳам ишлаган: у компаниянинг Лондондаги ваколатхонасини бошқарган, 2009-2010 йилларда у компаниянинг бошқарувчи директори бўлган.
1993 йилдан 2008 йилгача у NNPC, Royal Dutch Shell, Total va Eni ўртасидаги қўшма корхона — Нигериянинг LNG компанияси бошқарувчи директорининг ўринбосари бўлган.
