GroupM ҳисоботига кўра, бешта технология гиганти — Google, Facebook, Alibaba, ByteDance ва Amazon 2021 йилда глобал реклама даромадининг ярмидан кўпига эгалик қилди. Ўтган йили ушбу компаниялар рекламадан 408 миллиард доллар даромад олган.
Маълумотларга кўра, 2021 йилда глобал рекламадан тушган даромаднинг 53 фоизи ушбу бешта технология гиганти ўртасида тақсимланган. Улар реклама сотишдан 408 миллиард доллар даромад олди, бу 2020 йилга нисбатан 7 фоизга кўп.
Қайд этилишича, 2021 йилда 25 та энг яхши реклама берувчи глобал реклама харажатларининг 74 фоизини ташкил этган. 2020 йилда бу кўрсаткич 68 фоиз, 2016 йилда 44 фоиз бўлган.
Хитойнинг саккизта компанияси дунёдаги энг яхши 25 та реклама берувчилар қаторига киради ва бозор улушини оширишда давом этмоқда, бироқ улар (TikTok’дан ташқари) фақатгина Хитойда реклама сотади.
Таҳлилчиларнинг қайд этишича, рақамли технологиялар реклама бозорини кенг доирадаги компаниялар учун қулайроқ қилиб қўйган, бироқ айни пайтда корпорациялар фойдасига улушни оширган.
Шу билан бирга, инфляция ва иш ҳақининг ўсиши каби макроиқтисодий омиллар янги компанияларнинг бозорга киришини қийинлаштиради.
Аввалроқ Google компанияси ўзининг Android операцион тизимининг дастурий таъминотига фойдаланувчиларни кузатиш имкониятини чеклайдиган ўзгартиришлар киритишга қарор қилганди.
