Иқтисодий тадқиқотлар ва ислоҳотлар маркази жорий йилнинг март ойи учун Ўзбекистоннинг Марказий Осиё давлатлари билан савдо айланмасида юз берган ўзгаришлар ҳақида маълумот берди.
Марказий Осиё давлатларининг ташқи савдодаги улуши 1,5 миллиард доллар ёки 11,8 фоизни ташкил этди.
Таъкидланишича, 2022 йилнинг март ойи якуни билан Ўзбекистоннинг Марказий Осиё давлатлари билан савдо айланмасидаги ҳажми:
- Қозоғистон билан ташқи савдо айланмаси 992,8 миллион долларни ташкил этиб, экспорт ҳажми 231,0 миллион долларга, импорт ҳажми эса 761,8 миллион долларга;
- Қирғизистон билан ташқи савдо айланмаси 226,4 миллион долларни ташкил этиб, экспорт ҳажми 183,1 миллион долларга, импорт ҳажми эса 43,3 миллион долларга;
- Туркманистон билан ташқи савдо айланмаси 186,8 миллион долларни ташкил этиб, экспорт ҳажми 32,0 миллион долларга, импорт ҳажми эса 154,8 миллион долларга;
- Тожикистон билан ташқи савдо айланмаси 141,7 миллион долларни ташкил этиб, экспорт ҳажми 103,4 миллион долларга, импорт ҳажми эса 38,3 миллион долларга етди.
Аввалроқ Ўзбекистоннинг Марказий Осиё давлатлари билан февраль ойидаги савдо ҳажми маълум қилинганди.
