Россиянинг Украинага ҳужуми бошланганидан бери дунё бўйлаб камида 100 та компания 45 миллиард доллардан ортиқ шартномаларни кечиктирди ёки бекор қилди. Гап IPO, облигациялар ва кредитлар бўйича операциялар, шунингдек, қўшилиш ва сотиб олиш ҳақида бормоқда.
АҚШ фонд бозори биринчи чоракда глобал ўзгарувчанликдан энг кўп зарар кўрди — февраль ойи охиридан бери битимларини бекор қилган 100 та компаниянинг 49 таси АҚШникидир. Таққослаш учун, Осиёда 28 та, Европада 17 та ва Жанубий Америкада 6 та битим бекор қилинган.
Маълумотларга кўра, февраль ойи охиридан бошлаб 50 га яқин компания листингни кечиктирди, улардан 30 таси «америкалик» компаниялар, жумладан Bioxytran, Crown Equity ва Sagimet Biosciences Кутилаётган IPO’ларнинг умумий қийматини тахмин қилиш қийин, чунки уларнинг аксарияти битимлар тафсилотларини ошкор этмаган.
Шу билан бирга, энг муҳим бекор қилинган IPO’лар Европа ва Осиё бозорларида бўлди. Olam International ўзининг озиқ-овқат бўлимининг Лондон фонд биржасидаги листингини кейинга қолдирди. Бу даврда у 17,1 миллиард долларга баҳоланиши мумкин эди.
Хитойнинг Dalian Wanda Group конгломерати ўзининг савдо марказлари бўлимининг IPO’сини тўхтатди. Компания Гонконгда қарийб 3 миллиард доллар йиғишни кутмоқда.
