General Motors (GM) Япониянинг SoftBank инвестиция компаниясининг Cruise автомашиналари бўлимидаги улушини 2,1 миллиард долларга сотиб олишга рози бўлди. Бу ҳақда Nikkei Asia хабар бермоқда.
Битим якунлангач, GM’нинг умумий бўлинмадаги улуши 80 фоизгача оширилади. SoftBank лойиҳадан бутунлай воз кечади — компаниянинг улуши 19,6 фоизни ташкил этди.
Бундан ташқари, GM аввалроқ SoftBank томонидан Cruise учун қарздор бўлган 1,35 миллиард доллар сармояни қоплайди.
«Cruise GM билан мослашувчан ҳамкорликда фаолият юритувчи мустақил компания сифатида ишлашда давом этади», — деб айтган Cruise бўлими раҳбари ва асосчиси Кайл Вогт.
Акцияларни сотиб олиш GM’га Cruise’нинг эҳтимолий биринчи оммавий таклифи олдидан автоном автомобиллар устида ишлаш учун кўпроқ вақт беради, бу эса бошқа инвесторларга, жумладан, Microsoft, Walmart ва Honda’га ҳам Cruise улушларидан фойда олиш имконини беради.
