General Motors (GM) Yaponiyaning SoftBank investitsiya kompaniyasining Cruise avtomashinalari boʻlimidagi ulushini 2,1 milliard dollarga sotib olishga rozi boʻldi. Bu haqda Nikkei Asia xabar bermoqda.
Bitim yakunlangach, GMʻning umumiy boʻlinmadagi ulushi 80 foizgacha oshiriladi. SoftBank loyihadan butunlay voz kechadi — kompaniyaning ulushi 19,6 foizni tashkil etdi.
Bundan tashqari, GM avvalroq SoftBank tomonidan Cruise uchun qarzdor boʻlgan 1,35 milliard dollar sarmoyani qoplaydi.
“Cruise GM bilan moslashuvchan hamkorlikda faoliyat yurituvchi mustaqil kompaniya sifatida ishlashda davom etadi”, — deb aytgan Cruise boʻlimi rahbari va asoschisi Kayl Vogt.
Aksiyalarni sotib olish GMʻga Cruiseʻning ehtimoliy birinchi ommaviy taklifi oldidan avtonom avtomobillar ustida ishlash uchun koʻproq vaqt beradi, bu esa boshqa investorlarga, jumladan, Microsoft, Walmart va Hondaʻga ham Cruise ulushlaridan foyda olish imkonini beradi.
