Xiaomi компанияси иккита моделни ўз ичига олган Watch S1 «ақлли» соатлар оиласини тақдим этди. Бу ҳақда компаниянинг расмий сайтида маълум қилинди.
Техник жиҳатдан, Watch S1 ва Watch S1 Active версиялари бир хилдир. Аксессуарлар 1,43 дюймли AMOLED дисплейи билан жиҳозланган, ўлчамлари 466Х466 пиксел, GPS ва GLONASS навигация тизимларини қўллаб-қувватлайди, шунингдек, банк карталарини қўллаб-қувватловчи ўрнатилган NFC модулига эга.
Соатлар юрак уриш тезлиги сезгичлари, қонда кислород даражасини кузатиш, уйқунинг давомийлиги ва сифатини кузатиш қобилияти билан таъминланади. Соатларнинг иккала модели юздан ортиқ турли хил жисмоний машқлар дастурларини қўллаб-қувватлайди ва Strava ёки Apple Health фитнесс хизматлари билан ишлаши мумкин. Қурилма қувватланмасдан 12 кунгача ва кутиш режимида 24 кунгача ишлайди.
Watch S1 ва Watch S1 Active ўртасидаги фарқ соат корпусининг дизайни ва материалларида. Xiaomi Watch S1 зангламайдиган пўлатдан ясалган корпус, сафир ойна ва чарм камарга эга, Xiaomi Watch S1 Active эса кенг ромли металл корпус, тобланган шиша ва силикон камар билан жиҳозланган. Янги «ақлли» соатларнинг нархи Watch S1 ва Watch S1 Active учун мос равишда 269 ва 199 доллардан бўлади.
Аввалроқ Xiaomi 12, 12 Pro ва 12X моделлари намойиш этилгани хабар қилинганди. Шунингдек, TAG Heuer «ақлли» соатнинг янги авлодини намойиш этгани ҳақида хабар берилди.
