Netflix видео стриминг хизмати 2022 йилда 1 миллиард доллар даромад йўқотиши мумкин. Бу ҳақда Stockapps экспертлари маълум қилди.
Ҳисоб-китобларига кўра, Netflix’нинг операцион фойдаси 2021 йилдаги 21 фоиздан 2022 йилда 19 фоизга тушади ва компания 1 миллиард долларгача даромад йўқотади. Мутахассислар бундай тахминларни доллар курсининг мустаҳкамланиши ва янги контент чиқариш нархининг ошиши билан боғламоқда.
Қайд этилишича, 2020 йилда глобал коронавирус пандемияси даврида Netflix 36 миллион янги обуначини рўйхатдан ўтказди. Бироқ, бу ўсиш 2021 йилда секинлашди.
Stockapps экспертларига кўра, 2021 йили Netflix таҳлилчиларнинг йиллик даромад прогнозларига мос кела олган, бироқ у янги обуначиларни орттириш умидида контентга кўпроқ маблағ сарфлаган. Бошқа омиллар билан биргаликда бу 2022 йилда компания операцион фойдасининг пасайишига олиб келади, дея ҳисобламоқда мутахассислар.
Компаниянинг ўзи «у ҳали ҳам тўғри йўлда ва инвесторлар ёпишиб олишига ҳали эрта», деб ҳисоблайди. Компания доллар қийматининг ўсишидан 1 миллиард доллар йўқотади. Унинг таъкидлашича, сўнгги олти ой ичида долларнинг бошқа валюталарга нисбатан ўсиши фойданинг пасайишига сезиларли таъсир кўрсатган — унинг харажатларининг аксарияти АҚШ валютасига тўғри келади. Хизмат кўпроқ контент яратишга эътибор бермоқда.
Шу билан бирга, компания узоқ муддатли ўсиш стратегиясида барқарор бўлиб қолмоқда: у ўрта муддатли истиқболда ўз нархларини мослаштиради ва қисқа муддатда бизнесга сармоя киритишга интилади.
Netflix онлайн кинотеатрлар рақобати кучайиб бораётган бир шароитда компаниянинг энг катта даромад манбаси бўлган пуллик стриминг видео обуналарининг ўсиши давом этди. Компаниянинг янада ўсиши учун имкониятлар ҳали ҳам мавжуд — ҳаттоки АҚШдаги энг йирик стриминг хизмати бозорида ҳам у томошабинлар экранлар олдида ўтказадиган умумий вақтнинг 10 фоиздан камроғига эга.
Аввалроқ таҳлилчилар прогнозида Netflix акцияларининг нархлари сезиларли пасайгани хабар қилинганди. Шунингдек, Netflix иловасига болалар учун TikTok аналоги қўшилиши ҳақида хабар берилди.
