Oʻzbekiston Markaziy banki makroiqtisodiy jihatdan noaniqliklar va xatarlarni oshirayotgan omillarni maʼlum qildi.
Qayd etilishicha, asosiy savdo-hamkor davlatlarda kuzatilayotgan iqtisodiy vaziyat, ularning valyuta kurslaridagi keskin tebranishlar, jahon xomashyo va energiya bozorlarida narxlarning oʻsishi makroiqtisodiy jihatdan noaniqliklar va xatarlarni oshirmoqda.
Aholi va tadbirkorlik subyektlari orasida oʻtkazilgan soʻrovlar ularning devalvatsion kutilmalarida sezilarli oʻsish kuzatilayotganligini koʻrsatmoqda.
Regulyatorning maʼlum qilishicha, ayni paytda mazkur omillar turli kanallar orqali ichki makroiqtisodiy barqarorlikka qisqa va oʻrta muddatli istiqbolda salbiy taʼsir koʻrsatadi.
