Audi 2022 йилда тақдим этиладиган e-tron электр кроссовери учун янгиланиш тайёрламоқда. Бу ҳақда «Коммерсантъ» хабар берди.
Янги маҳсулот ҳақида ҳеч қандай маълумот йўқ. Рестайлинг қилинган Audi e-tron S Sportback купе-кроссоверининг камуфляжланган прототиплари фотосуратлари Volkswagen Group ўз моделларини синовдан ўтказаётган Швеция шимолидаги KALT 1 маркали полигонининг ҳикояси учун иллюстрация бўлди.
Суратларга қараганда, электромобили янгиланган бамперлар ва янги радиатор панжарасини олади. Борт электроникани ўзгартириш ва янги аккумулятор орқали зарядламасдан юриш масофасини ошириш имкони пайдо бўлади.
Янгиланиш билан Audi e-tron ва Audi e-tron Sportback Audi Q8 оиласига қўшилиши ва номлари мос равишда Audi Q8 e-tron ва Audi Q8 e-tron Sportback деб ўзгартирилиши кутилмоқда.
Аввалроқ Audi 24 февралдан бошлаб Россия дилерлик марказларига машина етказиб беришни тўхтатгани хабар қилинганди. Шунингдек, Атлантика океанида бортида 4 мингга яқин Porsche, Volkswagen, Bentley, Audi ва Lamborghini бўлган кема ёниб кетгани ҳақида хабар берилди.
