Ukrainadagi Chernobil AESga elektr taʼminoti qayta tiklandi. Bu haqda mamlakat energetika vaziri German Galushenko maʼlum qildi.
“Bugun ʻUkrenergoʻ MEK mutaxassislari, atom olimlarimiz va elektriklarimizning ajoyib saʼy-harakatlari tufayli Chernobil AESning elektr taʼminotini tiklandi”, — deb yozdi German Galushenko.
Chernobil AESning quvvatsizlanishi 9 mart kuni maʼlum boʻldi. Ukraina tashqi ishlar vaziri Dmitriy Kuleba zaxira dizel generatorlari stansiya va uning obyektlarini 48 soat davomida quvvat bilan taʼminlashini, shundan soʻng foydalanilgan yadro yoqilgʻisini saqlashni sovutish tizimi oʻchishi, bu esa radiatsiya oqib chiqishiga tahdid solishini taʼkidladi.
Ertasi kuni Rossiya tomoni Chernobil AESni elektr energiyasi bilan taʼminlash Belarus tomonidan amalga oshirilganini eʼlon qildi.
