Ўзбекистон Давлат статистика қўмитаси томонидан ҳудудий марказий деҳқон бозорларида ўтказилган кузатув натижалари бўйича алоҳида турдаги озиқ-овқат маҳсулотларининг минимал-максимал нархлари эълон қилинди.
Маълум бўлишича, 2022 йил 10 март ҳолатига бозорларда алоҳида турдаги озиқ-овқат маҳсулотлари қуйидаги нархларда сотилган:
- суякли мол гўшти (1 килограмм) — 45 минг–70 минг сўм;
- қўй гўшти (1 килограмм) — 55 минг–80 минг сўм;
- картошка (1 килограмм) — 3 минг–7 минг сўм;
- пиёз (1 килограмм) — 1500–5 минг сўм;
- сабзи (1 килограмм) — 1000–5 минг сўм;
- тухум (10 дона) — 6 минг–14 минг сўм;
- гуруч (1 килограмм) — 5 минг–17 минг 500 сўм;
- ўсимлик ёғи (1 литр) — 13 минг 600–24 минг сўм;
- шакар (1 килограмм) — 8 минг–10 минг 500 сўм.
Аввалроқ Ўзбекистон товар-хом ашё биржасида цемент нархи кўтарилгани хабар қилинганди. Шунингдек, февраль ойида жаҳон бўйлаб озиқ-овқат нархлари рекорд даражага етгани ҳақида хабар берилди.
