Япония Ташқи ишлар вазирлиги Россия ва Беларуснинг санкциялар қўлланилаётган юридик ва жисмоний шахслари рўйхати кенгайтирилганини маълум қилди. Бундан ташқари, нефтни қайта ишлаш ускуналарини Россияга экспорт қилиш тақиқланади.
Аввалроқ эълон қилинган рўйхатга қўшимча равишда Россия Президенти матбуот котиби Дмитрий Песков, Президент маъмурияти раҳбари ўринбосарлари Дмитрий Козак ва Сергей Кириенко, Чеченистон раҳбари Рамзан Қодиров, россиялик тадбиркорлар Алишер Усмонов, Геннадий Тимченко, Аркадий ва Борис Ротенберглар Япония санкцияларига тушиб қолган.
Беларусга нисбатан санкциялар рўйхати 12 нафар жисмоний ва ўнта юридик шахсни ўз ичига олган ҳолда кенгайтирилди.
Эслатиб ўтамиз, аввалроқ Япония Россия етакчиларига, жумладан, Президент Владимир Путинга нисбатан ҳам санкциялар киритган эди.
