Америкалик миллиардер Илон Маскка тегишли Tesla компанияси Германия ҳукуматидан электромобиль ишлаб чиқарадиган завод очишга рухсат олди. Бу ҳақда «Интерфакс» хабар бермоқда.
Маълум қилинишича, корхона Берлин яқинида жойлашади. Унинг қуввати компанияга йилига 500 мингта электромобиль ишлаб чиқариш имконини беради.
Биринчи босқичда Германиядаги завод Model Y ихчам кроссоверларини ишлаб чиқаради. 2021 йили Tesla ушбу моделдаги деярли 1 миллион та автомобиль ишлаб чиқарган.
Tesla раҳбари Илон Маскнинг фикрича, Германиядаги корхона компанияга Европа бозоридаги улушини қўлга киритиш имконини беради.
Қайд этилишича, Tesla акциялари нархи 5 март кунги савдоларда 0,25 фоиз йўқотган. Охирги 12 ой ичида уларнинг қиймати 40 фоизга ошган.
Аввалроқ Tesla 1,5 млрд долларлик криптовалюта сотиб олишини эълон қилганида биткоин майнингининг атроф-муҳитга таъсиридан бехабар бўлгани хабар қилинганди.
