Davlat statistika qoʻmitasi Oʻzbekistonning 2022 yil yanvar oyidagi importi tarkibi boʻyicha axborot eʼlon qildi.
Maʼlum qilinishicha, yanvar oyida Oʻzbekistonning tashqi savdo aylanmasi 3 million 498,2 ming dollarni tashkil etgan. Bunda import hajmi 2 million 98,7 ming dollar va eksport hajmi 1 million 399,5 ming dollarga teng boʻlgan.
Taʼkidlanishicha, 2022 yilning yanvar oyida qayd etilgan import hajmi 2021 yilning mos davri bilan solishtirilganda 28 foizga oshgan. Import tarkibidagi mahsulotlar hajmi 1 million 951,7 ming dollarni va xizmatlar hajmi 147,1 million dollarni tashkil etgan.
Qayd etilishicha, yanvar oyidagi import tarkibi quyidagicha shakllangan:
- mashina va asbob-uskunalari — 34,2 foiz;
- sanoat mahsulotlari — 19,4 foiz;
- kimyoviy mahsulotlar — 14,5 foiz;
- oziq-ovqat mahsulotlari — 10,8 foiz;
- xizmatlar — 7,0 foiz;
- turli tayyor mahsulotlar — 5,1 foiz;
- mineral yoqilgʻilar — 4,1 foiz;
- nooziq-ovqat mahsulotlari — 4,9 foiz.
Avvalroq Oʻzbekiston eng koʻp telefon import qilayotgan 5 ta davlat xabar qilingandi. Shuningdek, Oʻzbekiston eng koʻp avtomobil import qilayotgan 10 ta davlat haqida xabar berildi.
