Rossiyadagi eng yirik 5 ta yirik ishlab chiqaruvchilar qatoriga kiruvchi Renault kompaniyasining Moskvadagi zavodida ishlab chiqarish 28 fevraldan 5 martgacha vaqtincha toʻxtatiladi. Bu haqda kompaniya matbuot xizmati xabar berdi.
Taʼkidlanishicha, buning sababi komponentlarni yetkazib berishda “baʼzi uzilishlar”dir.
“Uzilishlar, birinchi navbatda, tranzit mamlakatlarda chegara rejimlarining mustahkamlanishi va bir qator belgilangan logistika yoʻnalishlarini oʻzgartirish zarurati bilan bogʻliq”, deyiladi matbuot xizmati xabarida.
Renault vakilining soʻzlariga koʻra, fransuz kompaniyasi xorijiy ishlab chiqaruvchilar orasida mahalliylashtirish boʻyicha yetakchi hisoblanadi. Biroq boshqa mamlakatlardan yuboriladigan baʼzi komponentlar ham mavjud.
“Biz ishlab chiqarishni tezroq qayta tiklash uchun yechim topish ustida ishlayapmiz”, deya qoʻshimcha qildi u.
Avvalroq Renault Group rahbari Luka de Meo Financial Times nashriga bergan intervyusida Ukraina inqirozi fonida beqaror geosiyosiy vaziyat Rossiyada, jumladan, AvtoVAZ va Renault avtomobil ishlab chiqarishining toʻxtab qolishiga olib kelishi mumkinligini aytgandi.
