UzAuto Motors Malibu 2 uchun shartnomalar tuzishni toʻxtatgani haqida xabarlar tarqaldi. Kompaniya matbuot xizmati ushbu maʼlumotni rad etdi.
Qayd etilishicha, UzAuto Motors Chevrolet Malibu uchun shartnomalar tuzishni toʻxtatmagan.
“Chevrolet Malibu avtomobili uchun kontraktatsiya oʻzgarmagan holda sizga maʼlum avvalgi narx bilan tuzilishda davom ettirilishini rasman maʼlum qilamiz”, deyiladi xabarda.
Shuningdek, “Oʻzavtosanoat” ommaviy axborot vositalaridan shubhali manbalarga tayanmaslikni soʻragan.
