Ўзбекистондан Краснодар ва Ростов-на-Донуга қўшимча авиақатновлар йўлга қўйилади. Бу ҳақда Uzbekistan Airways матбуот хизмати хабар берди.
Маълум қилинишича, Uzbekistan Airways авиакомпанияси 2022 йилнинг 20 февралидан бошлаб якшанба кунлари Тошкент–Ростов-на-Дону–Тошкент йўналиши бўйича қўшимча авиақатновларни йўлга қўяди.
Таъкидланишича, Тошкент–Ростов-на-Дону йўналишида авиачипта нархи 1 миллион 761 минг 681 сўмдан, Тошкент–Ростов-на-Дону–Тошкент йўналишида эса 1 миллион 934 минг 819 сўмдан бошланади.
Шунингдек, 23 февралдан бошлаб чоршанба кунлари Тошкент–Краснодар–Тошкент йўналиши бўйича қўшимча авиақатновлар йўлга қўйилади. Тошкент–Краснодар йўналишида авиачипта нархи 1 миллион 956 минг 956 сўмдан, Тошкент–Краснодар–Тошкент йўналишида эса 2 миллион 179 минг 562 сўмдан бошланади.
Қайд этилишича, нархлар 2022 йил 15 февраль ҳолатига кўра амал қилади.
Аввалроқ Uzbekistan Airways Москвага қўшимча авиақатновларни йўлга қўйиши хабар қилинганди.
