Американинг Lockheed Martin компаниясига тегишли бўлган UH-60A Black Hawk Sikorsky ҳарбий транспорт вертолёти биринчи марта учувчисиз режимда парвоз қилди. Бу ҳақда Defense News хабар берди.
Қайд этилишича, биринчи синов 5 февраль куни Кентукки штатидаги Форт-Кэмпбелл ҳарбий базасида бўлиб ўтган. Учувчисиз вертолёт ярим соат давомида ҳарбий объект устидан парвоз қилган. 7 февраль куни вертолёт иккинчи марта синовдан ўтказилган. Синовлар давомида Нью-Йорк осмонўпар бинолари ўртасида вертолёт парвози симуляция қилинган.
Лойиҳани DARPA — Пентагоннинг Мудофаа илғор тадқиқот лойиҳалари агентлиги бошқарган. Лойиҳа устида 6 йилдан бери иш олиб борилмоқда.
UH-60A Black Hawk’нинг парвоз автономияси дастлаб чекланган кўриниш шароитида ёки алоқасиз самолётни бошқариш учун мўлжалланган Sikorsky Matrix тизими томонидан таъминланган. Шунингдек, у парвоздан қўнишгача бўлган барча миссияни, жумладан, кутилмаган ҳодисалар юз берганда, масалан, борт тизимларининг ишдан чиқишида автоном бошқарувни қўллаб-қувватлашга қодир.
Аввалроқ АҚШ армияси чегараларни қўриқлаш учун роботлардан фойдаланиши хабар қилинганди.
