Lexus kompaniyasi 2022 yilda chiqariladigan yangi elektr krossover — RZ 450eʻning dizaynini namoyish etdi. Bu haqda “Kommersantʼ” xabar berdi.
Maʼlum qilinishicha, RZ 450e nomini olgan yangi model yapon brendining zamonaviy modellari uslubidagi kuzov dizayniga ega boʻladi. Texnik jihatdan yangilik 2021 yil oxirida taqdim etilgan Toyota bZ4X elektromobilini takrorlashi kerak, undan faqat kuzov va interyer dizayni bilan farqlanadi.
Yangilikning ichki qismi va texnik xususiyatlari haqida hozircha rasmiy maʼlumot yoʻq. Yangi Lexus RZ 450e premyerasi 2022 yilning bahoriga rejalashtirilgan.
Avvalroq Lexus yangi LXʻning yoʻltanlamas versiyasini taqdim etgani xabar qilingandi.
