Lexus компанияси 2022 йилда чиқариладиган янги электр кроссовер — RZ 450e’нинг дизайнини намойиш этди. Бу ҳақда «Коммерсантъ» хабар берди.
Маълум қилинишича, RZ 450e номини олган янги модель япон брендининг замонавий моделлари услубидаги кузов дизайнига эга бўлади. Техник жиҳатдан янгилик 2021 йил охирида тақдим этилган Toyota bZ4X электромобилини такрорлаши керак, ундан фақат кузов ва интерьер дизайни билан фарқланади.
Янгиликнинг ички қисми ва техник хусусиятлари ҳақида ҳозирча расмий маълумот йўқ. Янги Lexus RZ 450e премьераси 2022 йилнинг баҳорига режалаштирилган.
Аввалроқ Lexus янги LX’нинг йўлтанламас версиясини тақдим этгани хабар қилинганди.
