Oʻzbekistonda soliq toʻlovchilarning ayrim soliq xavfi mezonlari (holatlarini) qoʻllanilishi 2023 yil 1 yanvarga qadar toʻxtatib turiladi. Bu haqda Moliya vazirligi va Davlat soliq qoʻmitasining axborot xatida soʻz boradi.
Ular quyidagilar:
- rahbar shaxsining yoki moliyaviy boshqaruv vazifalarini amalga oshirayotgan shaxsning YAMMT da tasdiqlanmaganligi (omil #1);
- oʻz koʻchmas mulki, ijaraga olingan yoki tekin foydalanilayotgan koʻchmas mulki yoʻqligi (omil #4);
- soliq toʻlovchining manzili nominal joylashgan joy manzili bilan toʻgʻri kelishi (18 kvadrat metrdan kam) (omil #6);
- oxirgi oʻn ikki oy ichida soliq hisobotlarini oʻz vaqtida taqdim etmaslik holatlari mavjudligi (omil #14);
- yollanma ishchilari yoʻqligi yoki 4 nafardan kamligi (omil #15).
Ushbu mezonlar yirik soliq toʻlovchilarga va QQS toʻlovchisi sifatida yangi roʻyxatdan oʻtayotgan soliq toʻlovchilarga nisbatan toʻxtatilmaydi.
Avvalroq Moliya vazirligi va Davlat soliq qoʻmitasining axborot xati eʼlon qilingandi.
