Markaziy bank 2021 yili Oʻzbekistonda inflyatsion muhitni yuzaga keltirgan asosiy omillarni maʼlum qildi.
Xabar berilishicha, 2021 yil yakunlari boʻyicha inflyatsiya koʻrsatkichlari oraliq maqsadli koʻrsatkich — target darajasida shakllanib, 10 foizni tashkil etgan.
Qayd etilishicha, 2021 yil davomida inflyatsion muhitni yuzaga keltirgan asosiy omillar oziq-ovqat va energiya-yoqilgʻi mahsulotlari narxlarining sezilarli darajada oʻsishi boʻlgan.
Narxlarning oʻsishi, bir tomondan, global inflyatsion tendensiyalar bilan, ikkinchi tomondan esa, ichki bozordagi raqobat va taklif bilan bogʻliq sabablar bilan izohlanadi.
Avvalroq Markaziy bank asosiy stavkani oʻzgarishsiz qoldirgani xabar qilingandi.
