Oʻzbekistonda “namunali” deb topilgan fuqarolar yigʻinlari xodimlariga imtiyozlar berish yoʻlga qoʻyilgan.
Tuman (shahar) hokimligi tomonidan mahalliy byudjetlar daromadlari prognozini oshirib bajarish hisobiga bir marotaba baholanayotgan yarim yillik natijalari boʻyicha mehnatga haq toʻlashning eng kam miqdorining 1,75 barobarigacha pul mablagʻlari ajratiladi.
Shuningdek, yil yakuni natijalari boʻyicha respublika hududidagi sanatoriylaridan birida sogʻligini tiklash uchun bir marotabalik bepul yoʻllanma beriladi.
Ushbu imtimyozlar Vazirlar mahkamasining “Fuqarolar yigʻinlari faoliyati samaradorligini baholashning reyting tizimini takomillashtirish toʻgʻrisida”gi qarorida belgilab qoʻyilgan.
Avvalroq Oʻzbekistonda mahalla xodimlarini ragʻbatlantirish jamgʻarmasi tashkil etilgani haqida xabar berilgandi.
