Ўзбекистон Давлат статистика қўмитаси томонидан ҳудудий марказий деҳқон бозорларида ўтказилган кузатув натижалари бўйича алоҳида турдаги озиқ-овқат маҳсулотларининг минимал-максимал нархлари эълон қилинди.
Маълум бўлишича, 2022 йил 12 январь ҳолатига бозорларда маҳсулотлар қуйидаги нархларда сотилган:
- суякли мол гўшти (1 килограмм) — 45 минг–68 минг сўм;
- қўй гўшти (1 килограмм) — 54 минг–80 минг сўм;
- картошка (1 килограмм) — 3000–8000 сўм;
- пиёз (1 килограмм) — 1500–4000 сўм;
- сабзи (1 килограмм) — 1000–4500 сўм;
- тухум (10 дона) — 7000–14 минг сўм;
- гуруч (1 килограмм) — 5000–17 минг 500 сўм;
- ўсимлик ёғи (1 литр) — 14 минг–24 минг сўм;
- шакар (1 килограмм) — 7500–10 минг 500 сўм.
Аввалроқ Ўзбекистон товар-хом ашё биржасида пахта ёғи ва шакар нархи пасайгани хабар қилинганди. Шунингдек, аҳолининг 2022 йилги инфляцион кутилмалари маълум бўлгани ҳақида хабар берилди.
