Oʻzbekistonda yanvar-fevral oylarida isteʼmolchilarga qoʻshimcha ravishda 256 ming 038 tonna koʻmir mahsuloti yetkazib beriladi. Bu haqda Energetika vazirligi matbuot xizmati xabar berdi.
Maʼlum qilinishicha, Oʻzbekistonda 2021 yilda isteʼmolchilarga jami 5 million 465 ming tonna koʻmir mahsulotlari yetkazib berilgan. Shuningdek, “Oʻzbekkoʻmir” tomonidan 2021 yil uchun belgilangan koʻmir yetkazib berishning barcha koʻrsatkichlari ortigʻi bilan muddatidan oldin bajarilgan.
Xususan, 2021–2022 yillar kuz-qish mavsumi uchun byudjet tashkilotlariga 450 ming tonna, aholi isteʼmolchilari uchun 705 ming tonna mahalliy koʻmir yetkazib berilgan.
Qayd etilishicha, isteʼmolchilarning talablaridan kelib chiqib, 2022 yil yanvar-fevral oylarida qoʻshimcha ravishda 256 ming 038 tonna koʻmir mahsuloti yetkazib beriladi.
Avvalroq Oʻzbekistonda 11 oyda qancha koʻmir ishlab chiqarilgani xabar qilingandi.
