Давлат статистика қўмитаси Ўзбекистонга октябрь ойида қанча электромобиль импорт қилингани бўйича маълумот берди.
Қайд этилишича, 2021 йилнинг октябрь ойида Ўзбекистонга хориждан 55 та электромобиль импорт қилинган. Бу кўрсаткич 2021 йилнинг сентябрь ойига нисбатан 2 тага кам.
Хабарга кўра, Ўзбекистонда октябрь ойидаги электромобиллар хариди учун 1,5 миллион доллар сарфланган.
Аввалроқ 2021 йил давомида UzAuto Motors томонидан ишлаб чиқарилган автомобиллар сотув бўйича брендлар орасида етакчиликни сақлаб келаётгани ҳақида хабар берилганди.
Шунингдек, Ўзбекистон энг кўп автомобиль импорт қиладиган давлатлар 10 талиги маълум қилинганди.
