Ўзбекистон январь-сентябрь ойларида 220 миллион долларлик полиэтилен экспорт қилди. Бу ҳақда Давлат статистика қўмитаси матбуот хизмати хабар берди.
Маълумотларга кўра, Ўзбекистон 2021 йилнинг январь-сентябрь ойларида 24 та хорижий давлатга қиймати 220,5 миллиондолларга тенг бўлган 217,3 минг тонна полиэтилен экспорт қилган. Полиэтилен экспорти 2020 йилнинг мос даври билан солиштирилганда 52 минг тоннага камайган.
Ўзбекистон 2021 йилнинг 9 ойида энг кўп полиэтилен экспорт қилган давлатлар:
- Туркия — 61,1 минг тонна;
- Россия — 42,9 минг тонна;
- Хитой — 40,2 минг тонна;
- Латвия — 25,3 минг тонна;
- Қозоғистон — 20 минг тонна;
- Украина — 14,6 минг тонна.
Аввалроқ Ўзбекистон 10 ойда қанча электротехника маҳсулотлари экспорт қилгани маълум бўлганди.
