BMW компанияси BMW Motorrad Definition CE 04 концептуал велосипедидан илҳомланиб ишланган CE 04 электроскутерини сотувга чиқарди. Бу ҳақда «Коммерсантъ» нашри хабар бермоқда.
Моделнинг амалдаги дизайни 2020 йилда намойиш этилган прототип билан деярли бир хил. Оғирлиги 230 килограмм бўлган скутер 42 от кучига эга электр мотор ва 8,9 кВт/соат қувватга эга аккумулятор билан жиҳозланган. У зарядсиз 130 километргача масофани босиб ўтишни таъминлайди.
BMW CE 04 бир қатор электрон ҳайдовчи ассистентлари ва рақамли асбоблар панелига эга бўлди. Келажакда электроскутернинг хизмат кўрсатиш версиялари, жумладан, полиция ходимлари учун вариантлари ҳам пайдо бўлиши кутилмоқда.
Европа бозорида BMW CE 04’нинг сотуви 2022 йилда бошланади. Электроскутернинг нархи 12 минг евродан бошланади.
Аввалроқ Porsche Panamera’нинг Platinum Edition версияси тақдим этилганди.
