Россия етакчи: Ўзбекистонда бензин импорти 137 млн литрга ошди

Ўзбекистонга хориждан бензин импорти ҳажми 137 миллион литрга ошди. Бу ҳақда Давлат статистика қўмитаси матбуот хизмати хабар берди.

Маълумотларга кўра, 2021 йилнинг январь-сентябрь ойларида Ўзбекистонга қиймати 104 миллион долларлик 289 миллион литр автомобиль бензини импорт қилинган. Бензин импорти 2020 йилнинг мос даврига нисбатан 137 миллион литрга ошган.

Ўзбекистон автомобиль бензини импорт қилган асосий давлатлар:

1. Россия — 140,5 миллион литр;
2. Туркманистон — 126,8 миллион литр;
3. Қозоғистон — 16 миллион литр;
4. Ироқ — 3,6 миллион литр.

Аввалроқ Ўзбекистонда энг кўп цемент импорт қилаётган ҳудудлар маълум бўлганди.