Асосий мазмунга ўтиш
Жонли маълумот 17ноябр · Сешанба
USD 12 023,61 ▲ +9,24 EUR 13 236,79 ▼ −43,89 RUB 145,54 ▼ −0,65 GBP 15 865,15 ▼ −34,67
Маълумот: Марказий банк
Янгиликлар

“Эл-юрт умиди” жамғармаси айрим давлат божрларини тўлашдан озод қилинади

Жамғарма шартнома шартларини бажармаган стипендиатнинг харажатларни ундиришда судларга давлат божини тўламайди. Шунингдек, вазирликлар ва идораларнинг буйруқлари лойиҳаларининг жамоатчилик муҳокамаси муддати улар порталда жойлаштирилган кундан эътиборан 10 кундан кам бўлмаслиги кераклиги белгиланмоқда.

Қонун билан айрим қонун ҳужжатларига қўшимча ва ўзгартиришлар киритилди.

Киритилган қўшимчаларга кўра, Истиқболли кадрларни тайёрлаш бўйича “Эл-юрт умиди” жамғармаси:

  • шартнома шартларини бажармаган стипендиатни хорижда ўқитиш бўйича харажатларни ундириш тўғрисидаги даъволар юзасидан фуқаролик ишлари бўйича судларда давлат божини тўлашдан озод қилиниши белгиланди.

“Норматив-ҳуқуқий ҳужжатлар тўғрисида”ги қонунга киритилган қўшимчаларга кўра:

  • вазирликлар ва идораларнинг буйруқлари ҳамда қарорлари лойиҳаларининг жамоатчилик муҳокамаси муддати улар порталда жойлаштирилган кундан эътиборан 10 кундан кам бўлмаслиги керак.

Бунда, агар буйруқлар ва қарорлар лойиҳалари юзасидан дастлабки 5 кун ичида фикр-мулоҳазалар ва (ёки) таклифлар келиб тушмаса, вазирликлар ва идоралар норматив-ҳуқуқий ҳужжатни ҳуқуқий экспертизадан ҳамда давлат рўйхатидан ўтказиш учун Адлия вазирлигига белгиланган тартибда киритиши мумкинлиги белгиланди.

Ушбу қонун расмий эълон қилинган кундан эътиборан кучга киради.