Марказий банк тижорат банкларининг омонат маҳсулотлари бўйича шартномаларини ўрганиб, айрим ҳолларда омонатчининг ўз маблағларини қайтариб олиш ҳуқуқини чеклаши мумкин бўлган бандлар мавжудлигини аниқлади.
Хусусан, айрим шартномаларда оммавий тартибсизликлар, митинглар, кўча ҳаракатлари, босқинчилик ҳолатлари ва банкнинг тўловга қобилияцизлиги даврида омонатни муддатидан олдин қайтариш бўйича банк жавобгар эмаслиги кўрсатилган.
Амалдаги қонунчиликка кўра, омонат туридан қатъи назар, банк омонатчининг талаби билан омонат суммасини ёки унинг бир қисмини қайтариши шарт. Истеъмолчи ҳуқуқларини чеклайдиган ва қонунчиликка зид бўлган шартлар эса ҳақиқий ҳисобланмайди.
Шу сабабли Марказий банк банклардан амалдаги омонат шартномаларини тўлиқ инвентаризациядан ўтказиб, ҳуқуқларни чекловчи бундай бандларни зудлик билан бартараф этишни талаб қилди.
