Davlat byudjeti daromadlarini prognozlashtirish tartibi belgilandi. Bu haqda prezidentning tegishli qarori qabul qilindi.
Hujjatga muvofiq, 2026-moliya yilida davlat byudjeti daromadlarining choraklik prognoz koʻrsatkichlari daromad manbalari va hududlar kesimida belgilanadi.
Ushbu koʻrsatkichlar Prezident Administratsiyasi bilan kelishilgan holda tasdiqlanadi.
Prognoz koʻrsatkichlari tasdiqlangandan soʻng, 3 ish kuni ichida tuman va shaharlarning byudjet daromadlari manbalari hamda choraklar kesimidagi prognoz koʻrsatkichlari tasdiqlanadi.
Bu qaror Qoraqalpogʻiston Respublikasi Vazirlar Kengashi raisi, viloyatlar va Toshkent shahar hokimlari tomonidan qabul qilinadi.
Belgilangan daromadlarning prognoz koʻrsatkichlariga oʻzgartirishlar Prezident Administratsiyasi bilan kelishgan holda kiritilishi mumkin.
2026 yildan kelgusi moliya yili uchun davlat byudjeti daromadlari prognozini hisoblash Iqtisodiyot va moliya vazirligining axborot tizimi orqali avtomatlashtirilgan shaklda amalga oshiriladi.
