payme toʻlov xizmati “Shaxsiy maʼlumotlarning maxfiylik siyosati”ga oʻzgartirishlar kiritdi. 2025 yil 15 iyundan boshlab ushbu hujjatning yangilangan shakli kuchga kiradi.
Yangilangan siyosatda qanday shaxsiy maʼlumotlar yigʻilishi, ular qay tarzda foydalanilishi va kimlarga taqdim etilishi mumkinligi batafsil bayon qilingan. Bu amaldagi qonunchilikka rioya qilish, shartnomaviy majburiyatlarni bajarish va xizmat sifatini doimiy ravishda yaxshilab borish uchun zarur.
Shuningdek, yangilangan siyosatda foydalanuvchilarning huquqlari, toʻlov xizmati qanday maʼlumotlarni qayta ishlashi, ularning qoʻllanilish maqsadi va usuli aniq bayon etilgan.
Yangilangan siyosatning toʻliq matni bilan payme rasmiy veb-saytida tanishish mumkin.
