2024 yilda iqtisodiy sudlar tomonidan birinchi instansiyada 436 102 ta ish koʻrib chiqilib, hal etilgan. Shundan daʼvogarlar foydasiga 27,5 trillion soʻm undirish haqida sud qarorlari qabul qilingan, deb xabar beradi Oliy sud.
Oʻtgan davrda eng koʻp ishlar Toshkent shahar, Toshkent, Surxondaryo, Jizzax va Fargʻona viloyatlari iqtisodiy sudlari tomonidan koʻrib, hal etilgan.
Kichik biznes va xususiy tadbirkorlik subyektlarini huquqiy himoya qilishga oid 68 567 ta iqtisodiy ish koʻrib chiqilgan hamda ular foydasiga 6,7 trillion soʻm miqdorida mablagʻ undirilishi belgilangan.
Hisobot davrida iqtisodiy sudlarda koʻrilgan ishlarning asosiy qismini banklardagi hisobvaraqlar boʻyicha operatsiyalarni toʻxtatib turish, mahsulot yetkazib berish, kommunal xizmat koʻrsatish, toʻlovga qobiliyatsizlikka oid hamda kredit shartnomalaridan kelib chiqadigan nizolar tashkil etgan.
Apellyatsiya tartibida 6 257 ta iqtisodiy ish koʻrib chiqilgan. Birinchi instansiya sudlari tomonidan chiqarilgan 852 ta qaror bekor qilinib, 607 ta sud qarori oʻzgartirilgan.
Kassatsiya tartibida 2 250 ta iqtisodiy ish koʻrib chiqilgan. Birinchi instansiya sudlari tomonidan chiqarilgan 390 ta qaror bekor qilinib, 253 ta sud qarori oʻzgartirilgan.
Taftish tartibida 2 360 ta iqtisodiy ish koʻrib chiqilgan. Quyi instansiya sudlari tomonidan chiqarilgan 255 ta qaror bekor qilinib, 94 ta sud qarori oʻzgartirilgan.
Oliy sudning iqtisodiy ishlar boʻyicha sudlov hayʼati tomonidan taftish tartibida 426 ta ish koʻrib chiqilan. Quyi sudlar tomonidan chiqarilgan 136 ta qaror bekor qilinib, 30 ta sud qarori oʻzgartirilgan.
