“Chorvachilik va parrandachilikni qoʻllab-quvvatlash, sohada yuqori qoʻshilgan qiymat yaratish boʻyicha qoʻshimcha chora-tadbirlar toʻgʻrisida”gi prezidenta qari qabul qilindi .
Qarorga koʻra, quyidagilar tasdiqlandi:
- 2025 yilda goʻsht va sut ishlab chiqarish hajmining prognoz koʻrsatkichlari;
- 2025 yilda parranda goʻshti va parranda tuxumi yetishtirish hajmining prognoz koʻrsatkichlari;
- 2025 yilda hududlarda parrandachilik kooperatsiyasi tizimi asosida aholi bandligini taʼminlash koʻrsatkichlari;
- 2025 yilda parranda mahsulotlarini eksport qilishning prognoz koʻrsatkichlari.
2025 yil 1 apreldan 2028 yil 1 yanvargacha chorvachilik va parrandachilik xoʻjaliklari tomonidan Davlat byudjetiga toʻlangan QQSning 50 foizini har oyning 25 sanasigacha qaytarish tartibi joriy etiladi.
Parrandachilikning goʻsht va tuxum yoʻnalishida kooperatsiya tizimi asosida 1 million aholini ish bilan taʼminlash boʻyicha “Parranda boqish – daromad topish” loyihasi amalga oshiriladi.
Naslchilik korxonalari uchun ularning asosiy faoliyat turi boʻyicha foyda soligʻi, mol-mulk soligʻi, yer soligʻi va suv resurslaridan foydalanganlik uchun soliqlarni 50 foiz pasaytirilgan stavkada toʻlash shaklidagi soliq imtiyozlarining amal qilish muddati 2028 yil 1 yanvargacha uzaytiriladi.
