Nodavlat taʻlim muassasalari uchun 2025-yil 1-yanvarga qadar berilgan soliq imtiyozlari muddati yana 5 yilga uzaytirilishi belgilandi. Shu sababli, 2030-yil 1-yanvariga qadar xususiy bolalar bogʻchalari va maktablar barcha soliq va yigʻimlardan ozod qilinadi, faqat ijtimoiy soliq toʻlovlari bundan mustasno boʻladi.
Shuningdek, xususiy bogʻcha va maktablarda faoliyat yuritayotgan xorijiy oʻqituvchilar va mutaxassislar ham jismoniy shaxslardan olinadigan daromad soligʻi va ijtimoiy soliqdan ozod qilinadi. Ushbu oʻzgarishlar Soliq kodeksiga kiritilgan tegishli oʻzgartirishlar kuchga kirganidan soʻng amaliyotga joriy etiladi.
2023-yilning 9 oyi davomida 679 ta xususiy taʻlim muassasasi 113,5 mlrd soʻmlik soliq imtiyozlaridan foydalangan. Bu yangi tartib, taʻlim sohasidagi xususiy sektorni yanada rivojlantirishga qaratilgan.
