Tashqi ishlar vazirligining xabariga koʻra, 2024-yil 1-dekabr kuni Xitoyning Chendu shahrida Oʻzbekiston va Xitoy Xalq Respublikasi hukumati oʻrtasida oʻzaro vizadan ozod qilish toʻgʻrisidagi bitim imzolandi. Ushbu kelishuv Oʻzbekiston va Xitoy fuqarolariga ikki davlat hududlariga 30 kungacha viza talablaridan ozod boʻlib safar qilish imkoniyatini yaratadi.
Bitimga koʻra, Oʻzbekiston va Xitoy fuqarolari ikki davlat hududlariga kirish, chiqish yoki tranzit qilish uchun viza olish shartidan ozod etiladi. Hujjatni imzolash, ikki davlat oʻrtasidagi savdo, turizm va madaniy aloqalarni yanada faollashtirish, xalqlar oʻrtasidagi oʻzaro anglashuvni rivojlantirishga xizmat qiladi.
