Bosh prokuratura huzuridagi Iqtisodiy jinoyatlarga qarshi kurashish departamentining bergan xabariga koʻra, B.M. bank elektron kalitlaridan foydalanib, MChJning mablagʻlarini soxta maʻlumotlar bilan rasmiylashtirib, oʻz nomiga ochilgan plastik kartalarga oʻtkazib olgan. Ushbu mablagʻlar keyinchalik internetdagi qimor oʻyinlarida yutqazilgan.
Holat boʻyicha Jinoyat kodeksining 167-moddasi (oʻzlashtirish yoki rastrata yoʻli bilan talon-toroj qilish) va 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishi qoʻzgʻatilib, tergov harakatlari olib borilmoqda.
