Ҳукуматнинг 2024-йил 29-мартдаги “Атмосфера ҳавосига транспорт воситаларининг салбий таъсирини камайтириш бўйича чора-тадбирлар тўғрисида” қарори билан 2024-йилнинг 1-июнидан бошлаб барча тоифадаги автомототранспорт воситаларига экологик стикерларни босқичма-босқич жорий этиш режалаштирилган эди. Вазирлар Маҳкамасининг 3-июлдаги қарори билан экостикерларни жорий этиш муддатига ўзгартириш киритилди.
Унга кўра, экостикерларни бериш жараёни аввал белгиланганидек 2024-йил 1-июндан эмас, 2025-йил 1-мартдан бошлаб амалга ошириладиган бўлди. Шунингдек, 2025-йил 1-январга қадар экологик зоналар ҳақидаги умумлашган маълумотлардан иборат Ўзбекистоннинг атмосфера ҳавоси бўйича динамик электрон экологик харитаси ишлаб чиқилади.
Экологик зоналар ҳудудида ва уларга кириш жойларида аҳолини қулай тарзда хабардор қилувчи белгилар ўрнатилади. Электрон платформа орқали маълумотлар эълон қилиб борилади.
