Fargʻonadagi aksiyadorlik tijorat banklaridan birining Qoʻqon filiali boshqaruvchisi fuqarodan 3500 dollar miqdorida pora olayotganda qoʻlga olindi.
Maʼlum qilinishicha, bank boshqaruvchisi mahalliy xususiy korxonaga ajratilgan kreditdan boʻlgan 62 million soʻm qarzdorlikni soʻndirib berish hamda ushbu qarzdorlik boʻyicha qoʻyilgan taʼqiqni bekor qilinishi uchun Majburiy ijro byurosiga xat qilib berish evaziga fuqarodan 3500 dollar talab qilgan.
U mazkur mablagʻni olgan vaqtida DXX Fargʻona viloyati boʻyicha boshqarmasi va Iqtisodiy jinoyatlarga qarshi kurashish departamentining hududiy boshqarmasi xodimlari tomonidan qoʻlga olindi.
Holat yuzasidan Jinoyat Kodeksining 25,168- (firibgarlik) moddasi bilan jinoyat ishi qoʻzgʻatildi.
