БМТ Бош ассамблеяси 2022 йилнинг сўнгги йиғилишида 2023 йил учун 3,4 миллиард доллар миқдоридаги бюджет тасдиқланди. Бу ҳақда «Коммерсант» хабар берди.
Қайд этилишича, Бош ассамблея раисининг матбуот котиби БМТ бешинчи қўмитаси тасдиқлагани боис, бюджет овоз беришсиз қабул қилинди.
БМТ бош котиби Антониу Гутерриш октябр ойида 3,22 млрд доллар (кейинчалик 3,4 млрд долларгача ошириш кўзда тутилган) бюджет лойиҳасини тасдиқлаш учун киритганди, деб ёзди ташкилот сайти.
2022 йилда БМТ бюджети 3,1 миллиард долларни ташкил этди. Жорий йилда БМТга мунтазам бадални 193 мамлакатдан 140 таси тўлади, шу жумладан Россия томонидан мунтазам бадаллар киритилди. Россия ташқи ишлар вазири ўринбосари Сергей Вершинин декабрь ойида санкциялар БМТга ҳисса қўшишда қийинчиликлар туғдираётганини, бироқ Россия бу мажбуриятларни бажарган ва бажаришда давом этишини маълум қилган.
