«Ан Наср» Криштиану Роналду трансферини эълон қилди. Бу ҳақда клуб расмий сайти хабар берди.
Қайд этилишича, 37 ёшли ҳужумчи Саудия Арабистони клуби билан 2025 йил ёзигача мўлжалланган битим имзолади. Бу орқали у дунёда энг кўп маош олувчи футболчига айланди.
Португалиялик маоши йилига 75 миллион доллар бўлади. Тижорат тўловлари, элчи сифатидаги вазифасидаги даромадлари билан қўшиб ҳисоблаганда футболчи йилига 200 миллион доллар олади.
Эслатиб ўтамиз, «Ан Наср»да Ўзбекистон миллий жамоаси яримҳимоячиси Жалолиддин Машарипов ўйнайди.
