Rossiyaning “Vkusno – i tochka” tez ovqatlanish tarmogʻi oʻz bredini MDH mamlakatlari, shuningdek, McDonaldʻs mavjud boʻlmagan boshqa xorijiy mamlakatlar bozoriga chiqish imkoniyatini koʻrib chiqmoqda. Bu haqda kompaniya bosh direktori Oleg Paroyev “TASS”ga maʼlum qildi.
“Agar biz McDonaldʻs mavjud boʻlmagan mamlakatlar haqida gapiradigan boʻlsak, biz ularni koʻrib chiqishdan mamnunmiz. Agar MDH davlatlari haqida gapiradigan boʻlsak, bular Armaniston, Oʻzbekiston, Qirgʻiziston”, – dedi Paroyev.
Tarmoq egasi Aleksandr Govor yangi bozorlarga chiqish franchayzingni sotish orqali amalga oshirilishini qoʻshimcha qildi. Uning taʼkidlashicha, boshqa mamlakatlarga kirishdan oldin brend yetkazib berish va logistika uzluksizligini taʼminlashni rejalashtirgan.
Avvalroq Rossiyaning Broniboy kuryerlik yetkazib berish xizmati Oʻzbekiston bozoriga kirib, oʻz faoliyatini Toshkentda boshlagani haqida xabar berilgandi.
