Tesla kompaniyasi 2023 yilda yangi ishchilarni olishni toʻxtatadi va ayrim xodimlar bilan xayrlashadi. Bu haqda Elektrek xabar berdi.
Qayd etilishicha, kompaniya endi yangi ishchilarni yollashni toʻxtatdi va jamoalar birinchi chorakda baʼzi odamlarni ishdan boʻshatishlari kerak. Shuningdek, yangi xodimlarni ishga olishga moratoriy joriy etilmoqda. Ishdan boʻshatish qaysi birliklarga taʼsir qilishi nomaʼlum.
Shu bilan birga, Tesla avtomobil ishlab chiqarishni faol ravishda oshirmoqda va bir vaqtning oʻzida bir nechta yangi loyihalar ustida ishlamoqda. Bularning barchasi ishchi kuchini talab qiladi.
Tesla oʻtgan chorakda rekord miqdordagi elektromobillarini yetkazib berganiga qaramay, kompaniya aksiyalari narxi joriy yilda taxminan 65 foizga, birgina dekabr oyida esa 22 foizga tushdi.
