AQSHda kuzatilayotgan qishki boʻronlar gaz qazib olishga jiddiy taʼsir koʻrsatdi. Bu haqda Bloomberg xabar berdi.
Qayd etilishicha, 23 dekabr kuni AQSHda tabiiy gaz qazib olish noqulay ob-havo sharoiti tufayli avvalgi kunga nisbatan qariyb 10 foizga qisqargan.
Agentlik maʼlumotiga koʻra, yirik gaz ishlab chiqarish hududlarida, jumladan, asosiy yetkazib beruvchi boʻlgan Texasda ham havo harorati sabab qazib chiqarish hajmi keskin pasaygan. Bunga quvurlarning muzlab qolishi sabab boʻlgan.
Shuningdek, mamlakatda gazga boʻlgan talab 2019 yildan beri kunlik eng yuqori darajaga chiqqani qayd etilgan.
