Жаҳон банки Украинага шошилинч молиявий ёрдам сифатида 610 миллион доллар ажратади. Бу ҳақда банк веб-сайтида эълон қилди.
Молиявий пакет «Украинага ёрдам бериш ва уни қайта тиклаш бўйича саъй-ҳаракатларни кучайтириш лойиҳаларини ўз ичига олади», — дейилади баёнотда.
Жаҳон банки Украинага Халқаро тикланиш ва тараққиёт банкидан (ХТТБ) 500 миллион доллар кредит ажратишга қарор қилган.
Ушбу кредитлар Буюк Британия кафолати остида берилмоқда.
Шунингдек, маблағлар Украина соғлиқни сақлаш ташкилотлари, болалар ва оилалар нафақа пуллари, давлат хизматчилари маошлари, коммунал тўловларни қоплашга йўналтирилади.
