Jahon banki Ukrainaga shoshilinch moliyaviy yordam sifatida 610 million dollar ajratadi. Bu haqda bank veb-saytida eʼlon qildi.
Moliyaviy paket “Ukrainaga yordam berish va uni qayta tiklash boʻyicha saʼy-harakatlarni kuchaytirish loyihalarini oʻz ichiga oladi”, — deyiladi bayonotda.
Jahon banki Ukrainaga Xalqaro tiklanish va taraqqiyot bankidan (XTTB) 500 million dollar kredit ajratishga qaror qilgan.
Ushbu kreditlar Buyuk Britaniya kafolati ostida berilmoqda.
Shuningdek, mablagʻlar Ukraina sogʻliqni saqlash tashkilotlari, bolalar va oilalar nafaqa pullari, davlat xizmatchilari maoshlari, kommunal toʻlovlarni qoplashga yoʻnaltiriladi.
