Toshkent shahri uchun qoʻshimcha mingta zamonaviy avtobus sotib olinadi. Bu haqda Prezident Shavkat Mirziyoyev Oliy Majlis va Oʻzbekiston xalqiga yoʻllagan murojaatnomasida maʼlum qildi.
Davlat rahbarining aytishicha, shuningdek, 7 ta yer usti metro bekati ishga tushiriladi. Bularning hisobiga, har kuni 500 mingdan ziyod poytaxt aholisi va mehmonlariga qoʻshimcha qulayliklar yaratiladi.
“Hududlarda ham yoʻlovchi tashish sifatini yaxshilash maqsadida, yana mingta avtobus harakati yoʻlga qoʻyiladi. Bu orqali, jamoat transporti boʻyicha ahvol ogʻir boʻlgan 300 ta mahalladagi 1 million aholining uzogʻi yaqin boʻladi”, — deydi Prezident.
