Kriptobirjasi sobiq direktori va asoschisi Sem Benkmen-Frid bir qator ayblovlar sababli Bagama orollarida hibsga olindi. Bu haqda “Kommersant” xabar berdi.
Xabarda maʼlum qilinishicha, hibsga olish jarayoni Qoʻshma Shtatlarning talabiga binoan amalga oshirilgan. Rasmiylar keyinroq sabablarni ochiqlashni vaʼda qilmoqda.
The New York Times xabariga koʻra, Benkmen-Frid elektron lektron va qimmatli qogʻozlar bilan bogʻliq firibgarlik, pul yuvish hamda jinoiy til biriktirishda ayblanmoqda. Kriptobirjaning asoschisi ish boʻyicha yagona ayblanuvchi hisoblanadi.
Bagama orollarida roʻyxatga olingan FTX kriptovalyuta birjasining operatori FTX Group 11 noyabr kuni bankrotlik toʻgʻrisida ariza bergandi. Kuzning boshida biznes 32 milliard dollarga baholangan edi.
