Rossiyada 2022 yilning yanvar-noyabr oylarida gaz qazib olish 11,9 foizga kamayib, 612,9 milliard kub metrni tashkil qildi. Bu haqda “Vedomosti” xabar berdi.
Qayd etilishicha, umumiy gaz qazib olish hajmining kamayishidagi asosiy hissa “Gazprom”da ishlab chiqarishning pasayishi sabab boʻlgan. Shu bilan birga, Rossiyadagi eng yirik mustaqil gaz ishlab chiqaruvchilar – “Rosneft” va “Novatek” kompaniyalarida aksincha gaz qazib olish hajmi ortgan.
Bu davrda “Gazprom” 376,9 milliard metr kub gaz qazib olgan boʻlsa, (-19,4 foiz), kompaniyadagi pasayishning asosiy sababi Yevropa Ittifoqida yoqilgʻi isteʼmolining kamayishi tufayli yuzaga kelgan. Bundan tashqari, ichki bozordagi talab ham 5,7 foizga kamaygan.
“Gazprom”ning gaz quvurlari orqali MDHdan tashqari davlatlarga yetkazib berish hajmi ham 44,5 foizga kamayib, 95,2 milliard kub metrni tashkil qilgan.
