Jordan Aviation авиакомпанияси Иорданиядан Ўзбекистонга тўғридан-тўғри рейсларни йўлга қўймоқда. Бу ҳақда Uzbekistan airports матбуот хизмати хабар берди.
Маълум қилинишича, биринчи чартер рейс 13 декабрь кунига белгиланган. Рейслар ҳафтасига бир марта Boeing 767 самолётларида амалга оширилиши режалаштирилган.
Маълумот учун, Jordan Aviation — штаб-квартираси Амманда жойлашган Иордания авиакомпанияси. Компания чартер рейсларини амалга оширишдан ташқари, БМТ тинчликпарвар миссиялари учун ҳаво транспортида юкларни етказиб берувчиси ҳисобланади.
