Amerika kriptovalyuta birjasi Kraken 1,1 mingga yaqin xodimni ishdan boʻshatishni rejalashtirmoqda. Bu haqda “Interfaks” xabar berdi.
Kompaniya direktori va asoschisi Jessi Pauell oʻz bayonotida bu harakatlar kriptovalyuta narxining pasayishi va umumiy iqtisodiy sharoitlar oqibatida shunga qarorga kelinganini maʼlum qildi.
“Joriy yil boshidan makroiqtisodiy va geosiyosiy omillar moliyaviy bozorlarga bosim oʻtkazmoqda. Bu savdo hajmining sezilarli darajada pasayishiga va mijozlarni roʻyxatga olishning kamayishiga olib keldi. Mijozlarga ular bizdan kutayotgan sifat va xizmatni taqdim etish uchun xodimlarimiz sonini uch barobardan koʻproq oshirishimiz kerak edi”, – dedi u.
Kraken ishdan olingan xodimlariga 16 haftalik tovon pulini toʻlab berishga vaʼda qilgan. Kompaniya 2011 yilda tashkil topgan. Xozirda savdo hajmi boʻyicha dunyoda uchinchi yirik kriptovalyuta birjasi hisoblanadi. Kompaniyaning qiymati 10,8 mlrd dollarga teng.
